Ümummilli Liderin xatirəsinə həsr olunmuş IV minifutbol turnirində II mərhələnin I turu

Martın 28-də və 29-da Ümummilli Lider Heydər Əliyevin xatirəsinə həsr olunmuş IV minifutbol turnirində II mərhələnin I tur oyunları keçiriləcək. 

Qeyd edək ki, ənənəvi turnirdə 45 dövlət qurumunun komandaları 4 qrupda qələbə uğrunda mübarizə aparacaq. 11 oyundan ibarət 1 dövrəli sistemlə keçiriləcək ilkin mərhələ 29 noyabr – 22 fevral tarixləri arasında baş tutacaq. 11 turdan sonra hər qrupda ilk 8 pilləni tutan komandalar pley-off mərhələsində mübarizəyə davam edəcəklər. Pley-off oyunları 28 fevral – 1 mart tarixlərində keçiriləcək və bir mərhələ olacaq. Qalib gələn 16 komanda 28 mart – 12 aprel tarixlərində, 4 qrupda bir dövrədən ibarət 3 oyun keçirəcək. Hər qrupda ilk iki yeri tutan komandalar ¼ final mərhələsinə vəsiqə qazanacaqlar. Qalib komandalar yarımfinalda mübarizə aparacaqlar. ¼ final 18-19 aprel, yarımfinal 25-26 aprel, final və III yer uğrunda oyunlar isə 8 may tarixlərində keçiriləcək.