Güllə atıcılığı üzrə ölkə çempionatı

30 iyun – 4 iyul 2026-cı il tarixlərində Bakı Atıcılıq Mərkəzində güllə atıcılığı üzrə ölkə çempionatı təşkil olunacaq.

Beş gün davam edəcək yarışda ölkənin müxtəlif bölgələrini təmsil edən idmançılar dəqiqlik, çeviklik və peşəkarlıq bacarıqlarını nümayiş etdirərək çempionluq uğrunda mübarizə aparacaqlar. İştirakçılar müxtəlif növlər və yaş kateqoriyaları üzrə qüvvələrini sınayacaqlar.

Ölkə çempionatı güllə atıcılığı idman növünün inkişafı, idmançıların yarış təcrübəsinin artırılması və milli komandalara namizədlərin müəyyənləşdirilməsi baxımından mühüm əhəmiyyət daşıyır.

Yarışın yüksək rəqabət şəraitində keçəcəyi gözlənilir. Çempionatın sonunda qaliblər və mükafatçılar medal, diplom və digər mükafatlarla təltif olunacaqlar.