“ASF Ganja Cup 2025” üzgüçülük turniri

Sentyabrın 13-14-də Gəncə İdman Sarayında “ASF Ganja Cup 2025” üzgüçülük turniri baş tutacaq. Yarış Azərbaycan Respublikasının Gənclər və İdman Nazirliyi (ARGİN) və Bakı Şəhər Halqası Əməliyyat Şirkətinin (BCC) dəstəyi, Azərbaycan Üzgüçülük Federasiyasının (ASF) təşkilatçılığı ilə keçiriləcək.

Turnirdə müxtəlif klubları təmsil edən 200-dən çox üzgüçü mübarizə aparacaq. WA balı (keçmiş FINA) 300-dən yuxarı olan idmançılar üçün Bakı–Gəncə–Bakı nəqliyyatı, otel və qidalanma xərcləri qarşılanacaq. Digər iştirakçılar isə yalnız nəqliyyat xidməti ilə təmin olunacaq. Qeydiyyat üçün link (https://forms.gle/y66Ud8HjogqrH2t69) aktivdir, son müraciət tarixi 9 sentyabr (23:59).